Andlitsdoðranturinn

Andlitsdoðraturinn en nafn sem Friðþór mágur minn gaf Facebook síðunni. Ella kom mér inní það dæmi. Nú er ég búinn að vera að fikta við þetta og er að reyna að fatta út á hvað þetta gengur. Eins og er reyni ég að safna að mér öllu því fólki sem ég kannast við. Það er í sjálfu sér mjög skemmtilegt. Ég vona að smá saman læri ég betur út á hvað þetta gengur. Ég reikna með að þetta gefi manni tækifæri á því að fylgjast með því fólki sem maður hefur einhvern áhuga á að vita eitthvað um. Svo að nú er bara að gefa þessu séns

Athugasemdir

[Helga Ágústsdólttir (IP-tala skráð) 23.12.2008 kl. 16:39]

Já Andlitsdoðranturinn... ekki hefur mér tekist neitt með hann. Hins vegar fékk ég í dag fallegt bréf,  langt sunnan úr Miðjarðarhafi, þess efnis að dóttir gamals nemanda míns vildi fá mig sem vin í sinn doðrant. Það verður einhver stund þangað til ég næ tökum á þessarri "skelfingu"; get sent netpóst og ruðst inn á annarra blog til að sjá af hverju ég er að missa og hvar athugasemda minna er hin bráðsta þörf. Ætlar þessu aldrei að linna?

Með mér kenndi eitt sinn kona sem sagði:"ég hélt ég væri orðin svo gömul að ég slyppi við tölvurnar. Og svo er þessi andsk... settur inn á borð til manns og ég send á námskeið". - Hún var bókavörðurinn. Er nú sennilega komin á eftirlaun.

En ég þakka kært og kurteislega fyrir afar upplýsandi jólakort úr Hveratúni og segi "i lige måde" - því ég kann nefnilega dönsku.

Jæja en  örstutt til Bjarna, áður en ég brenni í brúðkaupsafmælið.

 Hlýleika kveðjur í Hveratún 

og líka til ferfætlingana.

 Helga Ág.