Bjarni hættur

Bjarni Harðarson vinur minn er búinn að segja af sér þingmennsku. Það þykir mér slæmt. Ein smá tæknileg mistök og búið spil. Ég held að Bjarni hafi ekki verið að hugsa um að gera neitt sem ekki er tíðkað almennt í þessum bransa. Hann bara ýtti á einn vitlausan takka og þar með varð allt vitlaust. Vegna þess að Bjarni hefur samvisku þá ákvað hann að taka pokann sinn. Margra mánaða kosningabarátta með tilheyrandi tekjuleysi á meðan og svo bara endar þetta svona.  Allir hinir sem hafa eitthvað raunverulegt á samviskunni í þessum bransa sitja sem fastast. Halda bara í íslensku hefðina. Viðurkenna aldrei mistök. Taka aldrei neina ábyrgð jafnvel þó að framtíð þjóðarinnar sé að veði. Já þetta er ótrúlegt lið.

Jæja Bjarni tók ákvörðun og hefur minn stuðning. Ég vona svo sannarlega að hann láti til sín taka í pólitíkinni áfram og gefi aftur kost á  sér í næstu kosningum. Við þurfum að minnsta kosti einn þingmann sem kann að axla ábyrgð.

Fékk aðeins í magann

Athugasemdir

[Helga Ágústsdóttir (IP-tala skráð) 12.11.2008 kl. 13:22]

Það eru oft einar átján hliðar á hverju máli.

Bjarni "fékk" þarna tækifæri til að sanna heilindi sín og heiðarleika ...  og gerði það. Jamm, svona er líka hægt að líta á þetta.

Við, sem hann þekkjum,  vitum að hann er heiðarlegur, vel þenkjandi maður og skynsamur vel.

Nú ætti þjóðin að sjá votta (að minnsta kosti) fyrir því líka.

Öllum verður okkur á, en eigum miserfitt með að horfast í augu við það ... og fæstir tilbúnir til að gera það fyrir framan alþjóð, ef nokkur smuga leyfir annað.  Ætli þeir séu ekki ærið margir, sem hafa gert sambærilega og "kannski  ein og einn"!... verri hluti- og nýtt sér næstu smugu, klíku nú eða hreina lygi.

Það held ég nú,

Helga Ág.

P.S. Bjarna á þing!!!