Jólunum öllum lokið

Nú fer lífið að taka á sig hversdagsblæ að nýju. Mikið er ég feginn.

Jólakötturinn er hættur að sjást hjá okkur. Búið að slökkva jólaljósin og taka niður skrautið. Áðan dröslaði ég skraufþurru lólatrénu út. Það er allt að komast í lag aftur.

 Af lampaþjófum

Það er eitt sem er farið að hrella okkur garðyrkjubændur verulega í seinni tíð. Það eru helv. lampaþjófarnir . Nú síðastliðna nótt létu þeir enn til skarar skríða og stálu lömpum frá Ómari. Þetta hyski er búið að stela meira en 100 lömpum hér á svæðinu síðan fyrir jól. 100 lampar kosta núna ca. 3,2 milljónir

Ég hef sloppið hingað til. Ég þakka það helst hundunum. Þeir hafa mikinn fælingarmátt. Enda kemst enginn hingað heim nema þeir láti í sér heyra. Þrátt fyrir það þá fór ég á eBay og pantaði ég mér heilmikið þjófavarnarkerfi með allskonar skynjurum og útbúnaði frá Kína. Það er alveg að koma í hús. Nú skal þjófahyskið sko fá það óþvegið.

Athugasemdir

[Helga Ágústsdóttir (IP-tala skráð) 9.1.2009 kl. 04:17]

En hvað geta þeir gert við notuðu lampana? Er ekki ljóst, þegar verið er að koma þeim í verð að um þjófagóss er að ræða? Eða eru þetta fingralangir kollegar?  - kannski ótrúlega "fyndnir, skemmtilegir og sexy" jurtaræktendur?  "Bara að prófa uppá grín".Bittinú!

Já hundunum máttu ugglaust þakka; þeir eru  kerfi af bestu gerð. Nokkuð að hugsa um að fá þér vörpulegan Schäffer? Flestir eru grenjandi, skíthræddir við þá. Dóttir mín á tvo - og fólk lætur eins og  sjálfur sé á ferð þegar rakkinn (ekki eins árs og ótrúlega blíður og mikill knúsihundur) birtist. Hann fagnar fólki með blíðu brosi eða eins og hún segir "hann er alveg ótrúlega gestrisinn"! Kann bara ekki enn á kafffikönnuna, en það getur nú lagast, með góðri þjálfun.

Jólin - já jólin - gættu þín nú! Fyrr en varir eru komnir páskar,ferming, sautjandi júní rétt á eftir, réttardagurinn rennur upp og fyrr en varir...? JÓL.

Vilmundur heitinn Gylfason og hans góða kona höfðu einu sinni tréð sitt standandi í partíi, sem gestir sóttu til þeirra um páska. Kannski var þessu logið... en hafa skal ætíð það er skemmtilegra reynist.

En engu að síður óska ég ykkur velgengni í viðskiptunum við Ebay-hjónin; þetta er víst vænsta fólk að sumu leyti og marga kennslukonuna sýnist mér þau hafa glatt með alls konar bolum - fatakyns. Ég ætla að segja þeim, kollegunum, að nú sér "mest móðins" - eins og gömlu frúrnar sögðu þegar ég var lítil - að kaupa sér þjófavarnarkerfi hjá þeim hjónum, án þess að geta heimilda. Aldrei að vita nema einhver trúi mér... þetta er nefnilega á köflum dálítið fólk - rétt eins og í öðrum stéttum og störfum.Hér ritar t.d. eitt ágætt dæmi!

Jæja, þá er mál að fá sér te og vona að góðum Guði þóknist að veita mér einhvern  í nótt.  - Nú annars, þá slaga ég bara,- keng-uppgefin- með veggjum og  eins og ungmennin mín. Ekkert við það að athuga!

Þetta var nú eiginlega mest ritað til mér til skemmtunar - enda dægra/næturbdvöl iðkuð í margvíslegu formi- allt frá rennandi lautu barnsbeini-, en að sjálfsögðu kennir hér líka góðra grasa innan um, sem sjá má; margt er hér spalega ritað.

En nú þyrfti hann Palli bróðir að fara að skrifa meira, svo ég geti farið að skensast í honum með "skálda"brag. Ja Öllu má nú nafn gefa! Hét hún ekki annars Aðalheiður? - Gaman að nota þessa litlu "kalla"!- Hér eftir verða öll mín skrif full með kalla - eða um fulla kalla. Hef ekki gert upp við mig hvor kosturinn verður fyrir valinu.

Te og ekkert meira mas við enn fleira fólk!

Helda Ág.  - sívakandi yfir velferð og lífi sveitunganna

[Helga Ágústsdóttir (IP-tala skráð) 19.1.2009 kl. 17:31]

Já, ég veit - jólin farin, búin og þú feginn!- En verður það þá þannig að hér komi ekkert hvunndagsblogg? Geturðu ekki fundið neitt til að skjóta.?Ekkert farið út með hundana nýlega? Eru þeir ekki alveg að verða vitlausir á þessu.... já og mér finnst harla súrt að þurfa að heyra það frá ungmennum undir lögaldri , að kerfið sé komið upp? - Eða er kannski verið að leyna lesendur  einhverju fleiru? Ég hélt að það væri orðið flestum ljóst að "GAGNSÆI og allt upp á borðið" væri slagorð dagsins. Ég er t.d. ekkert að fela að núna er ég í  í stutterma skyrtu, bláköflóttri og sit við skrifborðið! Yesss! Annars er ég á leiðinni til Bjarna. Í Guðs friði - og hér er svo mynd af mér og mínum innri manni, en þeir eru eins

Grunnskólakennarinn grimmi