Jólakötturinn

Við hér í Hveratúni höfum eignast okkar eigin jólakött. Undanfarna daga höfum við tekið eftir litlum gráum kétti sem hefur verið að snuðra hér fyrir utan stofugluggann. Í fyrradag sáum við hann veiða mús með miklum og faglegum tilþrifum á grasfötinni við stéttina. Síðan hefur hann komið reglulega og vaktað blettinn í von um fleiri mýs. Húsfreyjan á heimilinu hefur ekkert viljað skipta sér af köttum hingað til. Þessi bræddi samt alveg á henni hjartað. "Mig langar að gefa litla ræflinum mjólkursopa" Já og það var farið með mjólk í dalli út á stétt og smá slátur líka.

Kötturinn sást ekki fyrr en hálfum sólarhring síðar. Við fylgdumst öll með því þegar hann naut matarins. Það voru teknar myndir úr launsátri til að styggja hann ekki.

Þessi síðasta er að vísu ekkert sérstök nema fyrir þær sakir að kötturinn tók hana sjálfur! Já hún er tekin á sjálfvirka myndavél sem ég keypti fyrir löngu síðan í einhverri tækjagleði.

 Jæja, það þarf ekki mikið til að skemmta sér. Bara einn jólakött.

Athugasemdir

[Skúli (IP-tala skráð) 30.12.2008 kl. 12:38]

Geri ráð fyrir að músin hafi ekki fengið ný föt þessi jólin ...

[helga ágústsdóttir (IP-tala skráð) 31.12.2008 kl. 01:43]

Já, og bröndóttur að því ég best fæ séð! Þeir eru af einhverju því kyni , sem er kelið, hreinlátt og kurteist. þekki vel af eigin raun. Gratulera með jólaköttinn, sem ég legg til að heit María ef læða, en að öðrum kosti Jósep. - Blatasar, Melkior o.sv.frv. má einnig hugsa um. En hi nnöfnin hljóta að eiga best við... nú kannski Heródés: Hvað veit maður?

Muna mjólk og svolítinn fisk; dósafæði er gott --- en klapp og knús það albesta.

Hirðkveðill

Kvistholts

í Guðs friði

H.Ág. 

"Kattartrýni kom í hús,

kættist  blítt,  þá móðir "dús"

;:Sigurlaug  þar sér til vann

sættast blítt - við kisa þann.;:

(lagboði: Gekk ég norður kaldan Kjöl)

Suss -framhjáhald hirðkveðils

Kvistholts.

H.Ág.