Tumi og hestarnir

Tumi lenti í því sem hvolpur að þegar hann var að snuðra í kringum hestana hans Benna þá rak hann nefið í rafmagngirðinuna og fékk rosa raflost. Hann kenndi að sjálfsögðu hestunum um þetta og hefur varast þá síðan. Hann tekur alltaf lykkju framhjá hestum sem verða á vegi hans. Þetta ástand hefur hvorki skánað né versnað þessi 8 ár sem Tumi hefur lifað. Nú lenti Tumi í því fyrir nokkrum vikum að reka sig aftur í rafmagngirðingu. Þá voru hestar ekki nálægt. Að minnst kosti 100 metrar í næsta hest. Ég hugsaði með mér að þarna myndi Tumi sjá að hestarnir væru ekki valdir að þessum ósköpum. Nei það er öðru nær. Nú heldur Tumi að hestar geti meitt hann á 100m færi. Ef það eru hestar í girðingu þá gengur Tumi ekki veginn sem er næstur girðingunni. Þetta ástand gerir hundaviðrun mjög erfiða hér á svæðinu.

Athugasemdir

[æjæjææ (IP-tala skráð) 23.7.2008 kl. 01:15]

Aumingja litla skinnið. Það verður greinilega að halda á honum ef hestur er í nánd eða glittir í griðingarfj... Hvers a nú saklaus labrador að gjalda. Nei, upp í fangið með hann og trýnið undir úlpuna eða peysuna!

Hundavinurinn með hjartað utanáliggjandi

[Páll M Skúlason (IP-tala skráð) 23.7.2008 kl. 09:36]

Skil Tuma þegar hross eru annars vegar